半夜3時的msn對話-淺談書展及香港閱讀文化

今天晚上放工後上網看報紙,看到一個標題
"貿發局盼將書展變景點"
心有不忿，SEND了給Daniel看，如是展開如下的對話：

GreenTimmy 說:http://www.mingpaonews.com/20070723/gma2.htm
GreenTimmy 說:真係救命...
Daniel 說:其實我覺得就讓書展成為嘉年華也沒所謂，只要大家知道那只是嘉年華就好
Daniel 說:那書商可以賺錢，明星可以出書，也沒所謂了
GreenTimmy 說:"嘉年華", 咁係唔係應該搞番個"書展"
Daniel 說:有呀，牛棚書展不錯
Daniel 說:我其實想去join，I mean 序言
GreenTimmy 說:咁就唔好叫書展囉.叫香港書籍嘉年華會
GreenTimmy 說:唔係, 應該叫香港出版商嘉年華會
GreenTimmy 說:可以點join?
Daniel 說:haha，你仲興過我
Daniel 說:hm... 我都唔知，但應該會有人撩我地ga la
Daniel 說:或者我可以問下人，例如roundtable
GreenTimmy 說:都好呀. 幾好
Daniel 說:不過就要搵人看當lor
Daniel 說:你唔好話，而家香港書展都冇商業貿易tim la，得零售
Daniel 說:人地d乜展物展，原本係用來比人搵商機ga mah
Daniel 說:而家都冇人係香港書展傾買賣版權啦
Daniel 說:講真，其實幾悲
Daniel 說:書展越來越多人去，但出版反而萎縮
GreenTimmy 說:有呀. 有傾版權的地方的, 不過好細
Daniel 說:我睇報紙話都冇人傾
Daniel 說:去晒北京
Daniel 說:香港真係冇晒文化ga la
Daniel 說:文化產業全面北移
GreenTimmy 說:係呀....去到真係覺得有d悲涼既感覺, 滿場都係人, 個個都係講書同拎住本書, 但係...我都唔識講.
Daniel 說:你寫個blog la
GreenTimmy 說:我都唔識講果種感覺, 我覺得可以話係好可笑...
GreenTimmy 說:笑自己, 同笑其他人
Daniel 說:其實都係對讀書的一種反思。讀書，究竟係一回乜野事，點解會對嘉年華不滿？ GreenTimmy 說:唔知點解, 但我就做唔到你剛才所講的"其實我覺得就讓書展成為嘉年華也沒所謂，只要大家知道那只是嘉年華就好"
GreenTimmy 說:應該係話我接受唔到咁樣諗
Daniel 說:我覺得人係清醒的，當書展變成嘉年華，佢地慢慢就會發覺有一種非嘉年華式的讀書經驗喪失左
Daniel 說:如果佢地分唔倒，咁其實佢從開始就已經唔識分
Daniel 說:當然，重要geh係保持原有書展的可能Daniel 說:所以我覺得牛棚書展值得攪，而且要讓多d後生geh去了解
GreenTimmy 說:其實係唔係真係文史哲先至係書既正道? 所謂既正道又係咩? 當人人都睇d"通俗"既書而又好enjoy既時候, 書係唔係真係有層次之分?
Daniel 說:呢個問題唔單止係書啦。就連生活取向都係
Daniel 說:點解唔可以只係吃喝玩樂？一定要關心社會、文化？再有自己見解同思考？ GreenTimmy 說:我有時會都會咁諗, 仲會覺得自己會唔會因為要自命清高而去定位人地係低層次Daniel 說:其實我好耐以前就同阿租講過呢個問題。開書店，其實係因為我地相信，生活可以有不同的可能，而這個「更有深度」的生活是有意思的。但我們不能把這看成絕對，是我們的見解。可以做的，是把這個見解介紹給人
Daniel 說:所以我說我們像推銷員，推銷的不單是書，還有一種對生活的想法
Daniel說:如果說序言是有執著立場的，那這就是。至於哪種思考才是有道理的，那不一定要執著。但「多一點思索，少一點麻木」始終是書室的目標，否則就不用攪文化了
GreenTimmy 說:但點解我地又得出"香港無文化"呢個結論?如果好似之前咁講, 香港文化可以係書的嘉年華
Daniel 說:咁係因為書的嘉年華從根本去除了讀書原有的一些經驗
Daniel 說:把看書變成單純的購物
Daniel 說:書曾經是智慧的載體，智慧是生命內在的事，並不是今日消費文化所能包攬的
GreenTimmy 說:唔. 咁我有點明白點解我會覺得悲涼
GreenTimmy 說:不如將我地的對話放上blog算了
Daniel 說:都可以，原文抄錄都得
GreenTimmy 說:係啦, 所以我睇睇下根本係打從心底排斥睇書的人群, 結果我情願去睇自己鍾意既野(貓同足球同mcmug), 真係去購物. 我果時講唔出我點解會咁反抗
GreenTimmy 說:好啦, 我放上blog先
Daniel 說:以往的人惜字如金，正是因為語言文字曾是直達意義世界的工具。是關乎智慧的事 GreenTimmy 說:而家只係賣錢的工具
Daniel 說:有時啦，也不是常常
GreenTimmy 說:咁總有d有心既. 好似我地咁. 哈哈
Daniel 說:只願有更多人可以分享