架

書店要造一個架，放Leaflet 的架
畫左設計圖
仲畫埋造架o既流程表
聽日可以開始造材料
首先要將紙皮加厚

o係畫o既途中, 之前諗過o既問題浮現o係腦海︰
「果d 做野唔洗計劃o既人，究竟做野o既過程係點？」
對於我黎講，我要知道整個工序需要咩材料、幾多材料、邊度搵到/ 整到
點樣搵到、點樣整到
譬如如果要加厚，我要用咩方法、點樣併，先可以令我慳D功夫o係剪裁上？
個架點樣砌法最穩固？
點樣砌法係方便到我？
譬如，封前面先，定係封後面先？
個架砌好後會面對咩風險 (例如落雨水浸、搬出搬入會搖散等)
有咩措施可以增加個架o既 durability？
單單落膠紙未必係最好o既方法，加埋入筍就會堅固好多(防止搖散)
等等等

我覺得，如果我無計劃過，個架好易就死
咁咪好捉蟲？
當然，學DoDo 姐話齋，意外就係意料之外
總係計算唔到咁多個風險o既可能性
但我覺得，花一至兩個鐘去諗諗、計劃下
首先o係自己能力範圍之內封鎖所有壞o既後果
都好值姐...
並唔係因為預知唔到所有，就放棄預料吧？

友人奔屎對我個問題(「果d 唔洗計劃o既人究竟係點樣諗野？」)
只回以兩個字︰「做囉﹗」
真係摸不著頭腦